കോട്ടയം: പവര് ഹൗസ്, സിമന്റ്, തുറമുഖം കോട്ടയം നഗരസഭയിലെ വെറൈറ്റി പേരുകളുള്ള വാര്ഡുകളാണിവ. 36-ാം വാര്ഡിന്റെ പേരാണ് തുറമുഖം. നാട്ടകം പോര്ട്ട് ഈ വാര്ഡില് വരുന്നതിനാലാണ് തുറമുഖം എന്നു വാര്ഡിനു പേരു വന്നിരിക്കുന്നത്. എല്ഡിഎഫ് സ്ഥാനാര്ഥിയായി സനല് തമ്പിയും യുഡിഎഫില് എസ്. രാജീവും എന്ഡിഎയില് പ്രവീണ് പ്രസാദുമാണു മത്സരിക്കുന്നത്. വാശിയേറിയ പോരാട്ടം നടക്കുന്ന തുറമുഖത്ത് ആര് തീരത്തെത്തുമെന്ന് 13ന് അറിയാം.
27-ാം വാര്ഡിന്റെ പേരാണ് പവര് ഹൗസ്. ഇടുക്കിയില്നിന്നും വൈദ്യുതി എത്തിക്കുന്ന പ്രാന പവര് സ്റ്റേഷന് ഈ വാര്ഡിലാണ്. കൂടാതെ ഇവിടെ കെഎസ്ഇബിയുടെ നിരവധി ഓഫീസുകളും പ്രവര്ത്തിക്കുന്നു. പവര് ഹൗസില് പവറാകാന് യുഡിഎഫില് ബിജു എസ്. കുമാറും എല്ഡിഎഫില് അഭിലാഷ് മോഹനും എന്ഡിഎയില് പി.സി. അനൂപും വാശിയേറി പോരാട്ടത്തിലാണ്.
22-ാം വാര്ഡിന്റെ പേരാണ് സിമന്റ്. ട്രാവന്കൂര് സിമന്റ് ഫാക്ടറി ഈ വാര്ഡിലാണ്. ഇതാണ് സിമന്റ് വാര്ഡ് എന്നു പേരുവരാന് കാരണം. ട്രാവന്കൂര് സിമന്റ് ലിമിറ്റഡ് എന്ന സിമന്റ് ഫാക്ടറിയുടെ പേര് ചുരുക്കി ടിസിഎല് വാര്ഡ് എന്നും പറയുന്നുണ്ട്. സിമന്റ് വാര്ഡില് ഉറയ്ക്കാനായി യുഡിഎഫ് സ്ഥാനാര്ഥിയായി രജ്ഞിമോനും എല്ഡിഎഫ് സ്ഥാനാര്ഥിയായി പി.എസ്. രൂപേഷും എന്ഡിഎ സ്ഥാനാര്ഥിയായി വി.എസ്. രാജീവും മത്സരിക്കുന്നു.
E-paper LOGIN
LOGIN
